Business Identity Recovery - Karen

နဃုကွၢ် ပနံာ်တၢ်ကၤတၢ်ဖံးတၢ်မၤ တၢ်စံၣ်စိၤ ဖဲ sos.mn.gov/findabiz သ့လီၤ. နပနံာ်တၢ်ကၤတၢ်ဖံးတၢ်မၤ တၢ်ပာ်ဖျါထီၣ်တၢ် နီၣ်ဂံၢ် အံၤအိၣ်ဖဲ ပနံာ်တၢ်ကၤတတၢ်ဖံးတၢ်မၤ တၢ်ကွဲးနီၣ်ကွဲးဃါ တၢ်ဂ့ၢ်တၢ်ကျိၤလီၤတံၢ်လီၤဆဲး (Business Record Details) ကဘျံးပၤအဖီခိၣ် န့ၣ်လီၤ. ပနံာ်တၢ်ကၤတၢ်ဖံးတၢ်မၤ တၢ်ပာ်ဖျါထီၣ် တၢ်စံၣ်စိၤ အံၤ အိၣ်ဖဲ တၢ်ပာ်ဖျါထီၣ် တၢ်ဂ့ၢ်တၢ်ကျိၤလီၤတံၢ်လီၤဆဲး အဖီလာ်, ပၣ်ဃုာ်ဒီး တၢ်ပာ်ဖျါထီၣ်တၢ်အမုၢ်နံၤမုၢ်သီတဖၣ်လီၤ. စံၢ်လီၤ တၢ်မၤသီထီၣ်ကဒါက့ၤ တၢ်စံၣ်စိၤ (Renewal History) ထဲး(ဘ) လၢတၢ်ဂ့ၢ်တၢ်ကျိၤအဂီၢ် ဖဲ တၢ်မၤသီထီၣ်ကဒါက့ၤ ပနံာ်တၢ်ကၤတၢ်ဖံးတၢ်မၤအခါန့ၣ်တက့ၢ်. 

ပှၤတဂၤဂၤ မ့ၢ်စူးကါ နမံၤ, လီၢ်အိၣ်ဆိးထံး, မ့တမ့ၢ် နီၢ်တဂၤတၢ်ဂ့ၢ်တၢ်ကျိၤအဂၤ လၢပနံာ်တၢ်ကၤတၢ်ဖံးတၢ်မၤ တၢ်ပာ်ဖျါထီၣ်တၢ်အပူၤ လၢတအိၣ်ဒီး နတၢ်ဟ့ၣ်အခွဲး မ့တမ့ၢ် မၤတၢ်ဆီတလဲဒီးနပနံာ်တၢ်ကၤတၢ်ဖံးတၢ်မၤ လၢတအိၣ်ဒီး နတၢ်အၢၣ်လီၤဟ့ၣ်ခွဲးန့ၣ်, နမ့ၢ်၀ဲဒၣ် ပှၤတူၢ်ဘၣ်တၢ်လၢဘၣ်တၢ်ဟုၣ်ကွံာ် ပနံာ်တၢ်ကၤတၢ်ဖံးတၢ်မၤ နီၢ်ကစၢ်တၢ်ဂ့ၢ်တၢ်ကျိၤန့ၣ်လီၤ.

တၢ်အဒိတဖၣ်အံၤ ပၣ်ဃုာ်ဒီး-

• နမံၤန့ၣ် ဘၣ်တၢ်ကွဲးရဲၣ်ပာ်ဖျါထီၣ်အီၤဒ် ပနံာ်တၢ်ကၤတၢ်ဖံးတၢ်မၤ အပှၤခၢၣ်စးလၢအဆဲးလီၤမံၤ မ့တမ့ၢ် ပှၤသုးကျဲၤတၢ် လၢတအိၣ်ဒီးနတၢ်အၢၣ်လီၤဟ့ၣ်ခွဲး န့ၣ်လီၤ.
• တၢ်စူးကါ နလီၢ်အိၣ်ဆိးထံး ဒ် ပနံာ်တၢ်ကၤတၢ်ဖံးတၢ်မၤ အ၀ဲၤဒၢး ခိၣ်သ့ၣ် မ့တမ့ၢ် ၀ဲၤဒၢး လၢအဆဲးလီၤမံၤ လၢတအိၣ်ဒီး နတၢ်အၢၣ်လီၤဟ့ၣ်ခွဲးန့ၣ်လီၤ.
• ပနံာ်တၢ်ကၤတၢ်ဖံးတၢ်မၤ အံၤဘၣ်တၢ်ဒုးအိၣ်ထီၣ်အီၤ ခီဖျိတၢ်စူးကါ နနီၢ်ကစၢ်တၢ်ဂ့ၢ်တၢ်ကျိၤ မ့တမ့ၢ် န ပနံာ်တၢ်ကၤတၢ်ဖံးတၢ်မၤ တၢ်ဂ့ၢ်တၢ်ကျိၤ န့ၣ်လီၤ.
• ပနံာ်တၢ်ကၤတၢ်ဖံးတၢ်မၤ တၢ်ကွဲးနီၣ်ကွဲးဃါ လၢအိၣ်ပာ်စၢၤတဖၣ် ဆီတလဲအသး လၢတအိၣ်ဒီး နတၢ်အၢၣ်လီၤဟ့ၣ်ခွဲး န့ၣ်လီၤ.

နမ့ၢ် ကွၢ်ကဒါက့ၤ တၢ်ပာ်ဖျါထီၣ်တၢ်န့ၣ်, မၤလီၤတံၢ်လၢ နတပၣ်ဃုာ်လၢတၢ်ပာ်ဖျါထီၣ်တၢ်အပူၤ, ဒီးတဘၣ်တၢ်မၤပှဲၤအီၤလၢ ပှၤစဲၣ်နီၤလၢနခၢၣ်စး, ဒ်အမ့ၢ် ပီၢ်ရီ မ့တမ့ၢ် ကမျၢၢ်ပှၤဖီၣ်စ့စရီဘၣ်, နပတံထီၣ် တၢ်ဘိးဘၣ်ရၤလီၤ တၢ်ပာ်ဖျါထီၣ်တၢ် လၢအကမၣ် ဒီး Office of the Minnesota Secretary of State လၢတၢ်ကွၢ်ကဒါက့ၤ ဒီး တၢ်ဃိသမံထံအဂီၢ်န့ၣ်တက့ၢ်. တၢ်မၤအကျိၤအကျဲအံၤ ဘၣ်တၢ်ပၢဆှၢအီၤလၢ Minnesota တၢ်သိၣ်တၢ်သီ, အဆၢဒိၣ် 300.70 – 300.78 န့ၣ်လီၤ.

1. ပှၤလၢအကဲပနံာ်တၢ်ကၤတၢ်ဖံးတၢ်မၤအကစၢ် လၢအဘၣ်ဒိ ကပာ်ဖျါထီၣ်၀ဲ တၢ်ဘိးဘၣ်ရၤလီၤ တၢ်ပာ်ဖျါထီၣ်တၢ်လၢအကမၣ် ဒီး Secretary of State အ၀ဲၤဒၢး ဖဲ အ၀ဲသ့ၣ် မ့ၢ်နာ်လၢ အ၀ဲသ့ၣ် အပနံာ်တၢ်ကၤတၢ်ဖံးတၢ်မၤ တၢ်ကွဲးနီၣ်ကွဲးဃါတဖၣ် ဘၣ်တၢ်ဆီတလဲဘှီဘၣ်အီၤ န့ၣ်လီၤ.
2. ပ၀ဲၤဒၢး ဆှၢ တၢ်ဘိးဘၣ်သ့ၣ်ညါ ဆူ ပှၤလၢအဘၣ်ဒိတဖၣ်အအိၣ်လီၤ. တၢ်မ့ၢ်တဒိးန့ၢ်ဘၣ် တၢ်စံးဆၢလၢ 21 သီ အတီၢ်ပူၤန့ၣ်, ပတူၢ်လိာ် တၢ်ပာ်ဒ့ၣ်ပာ်ကမၣ် ဒီး ဘိးဘၣ်ရၤလီၤ တၢ်ပာ်ဖျါထီၣ်တၢ် လၢအကမၣ်န့ၣ်လီၤ.
3. တၢ်မ့ၢ်ဒိးန့ၢ်ဘၣ် တၢ်စံးဆၢအံၤန့ၣ်, ပ၀ဲၤဒၢး ကဃ့ထီၣ် ဒီး ကွၢ်ကဒါက့ၤ တၢ်ဂ့ၢ်တၢ်ကျိၤအါထီၣ် တချုးလၢတၢ်မၤတၢ်ဆၢတဲာ်န့ၣ်လီၤ.
4. တၢ်အစၢတဖၣ်-
   • တၢ်မ့ၢ်ဒုးအိၣ်ထီၣ် တၢ်ပာ်ဖျါထီၣ်တၢ်အသီ န့ၣ်, တၢ်ကရၢကရိလၢအတမ့ၢ်တတီ အံၤ, တၢ်ကထူးသံကွံာ်အီၤလၢတၢ်မၤနီၣ်မၤဃါန့ၣ်လီၤ.
   • တၢ်အံၤမ့မ့ၢ်တၢ်ဆီတလဲ၀ဲဒၣ် ပနံာ်တၢ်ကၤတၢ်ဖံးတၢ်မၤ လၢအအိၣ်ပာ်စၢၤန့ၣ်, တၢ်ဂ့ၢ်ထၢဖှိၣ် လၢအကမၣ်အံၤ ကဘၣ်တၢ်တြူာ်သံကွံာ်အီၤ, ဒီး တၢ်ကမၤနီၣ်မၤဃါဃာ် တၢ်ကွဲးနီၣ်ကွဲးဃါအံၤ န့ၣ်လီၤ.
• ဖဲတၢ်ဟ့ၣ်လီၤတၢ်ကလုၢ် လၢခံကတၢၢ် လၢပ၀ဲၤဒၢး ကွၢ်ထံဆိကမိၣ် တၢ်ပာ်ဖျါထီၣ်တၢ် လၢအကမၣ်အခါ, ပဟံးဂ့ၢ်၀ီမၤတၢ်လီၤ-
• တၢ်မ့ၢ်ဂ့ၢ်လိာ် တၢ်ပာ်ဒ့ၣ်ပာ်ကမၣ်န့ၣ်, တၢ်ဟ့ၣ်ပှၤနုာ်လီၤပၣ်ဃုာ်လၢတၢ်ဂ့ၢ်တဖၣ်အံၤဒီး တၢ်ဘိးဘၣ်သ့ၣ်ညါအံၤ ၀ံၤဒီးပတံထီၣ်ဆူ ကီၢ်ရ့ၣ်လီၢ်က၀ီၤကွီၢ်ဘျီၣ် ဖဲအ၀ဲသ့ၣ်မ့ၢ်ဆၢတဲာ်၀ဲအခါ န့ၣ်လီၤ. 

1. မၤပှဲၤတၢ်အကူာ်လၢတၢ်လိၣ်ဘၣ်အီၤခဲလၢာ်ဘၣ်ဃးဒီး တၢ်ဘိးဘၣ်ရၤလီၤ တၢ်ပာ်ဖျါထီၣ်တၢ် လၢအကမၣ် လံာ်ကွီၣ်ဒိန့ၣ်တက့ၢ်.
2. ဘျးစဲဃုာ် လံာ်တီလံာ်မီလၢအဘၣ်ထွဲတမံၤလၢ်လၢ် ဒ်အမ့ၢ် အံမ့(လ), ပနံာ်တၢ်ကၤတၢ်ဖံးတၢ်မၤ တၢ်ပာ်ဖျါထီၣ်တၢ်တဖၣ်, ဒီး/မ့တမ့ၢ် တၢ်ဆဲးကျိးဆဲးကျၢတၢ် တမံၤလၢ်လၢ်န့ၣ်တက့ၢ်. (တိၢ်နီၣ်- မ့ၢ်ဆှၢအီၤခီဖျိလံာ်ပရၢတၢးန့ၣ်, တၢ်တဆှၢကဒါက့ၤလံာ်တီလ့ာ်မီတဖၣ်ဘၣ်). ဆှၢထဲအကွဲးဒိဧိၤ.)
3. အံမ့(လ) လံာ်ကွီၣ်ဒိလၢတၢ်မၤပှဲၤအီၤ၀ံၤ ဒီး လံာ်ဘျးစဲတဖၣ်ဆူ- bir.oss@state.mn.us မ့တမ့ၢ် ဆှၢခီဖျိဒီးလံာ်တၢး ဆူ-

Office of the Minnesota Secretary of State ပနံာ်တၢ်ကၤတၢ်ဖံးတၢ်မၤ တၢ်မၤစၢၤတဖၣ် 
Business Services 
First National Bank Building
332 Minnesota Street, Suite N201
Saint Paul, MN 55101