Zoo siab txais tos rau qhov chaw Pab rau cov Lag luam los ntawm lub xeev Minnesota Secretary of State!

Lub Hoob Kas hauv lub Lav Minnesota Chav Saib Xyuas Pab Rau kev ua Lag Luam yog qhov pib ntawm ib qho lag luam twg hauv lub lav Minnesota, ib lub lag luam mas yuav tsum tau cuv los yog zwm npe rau hauv peb lub hoob kas thiab ua ntawv thov tauj hnub nyoog dua tshiab txhua xyoo kom thiaj li khaws tau cov ntaub ntawv kom muaj cov tshiab.  Cov ntaub ntawv data ntawm lub lag luam qhia tau rau cov thab nab qhas, cov koos haum thiab lwm pab neeg kom paub ntau dua txog cov tib neeg es siv lawv lub lag luam.

Nrog rau qhov muaj kev pab rau cov lag luam, peb lub hoob kas muaj cov kev pab ntxiv xws li:

• Ntaus Thwj Ua Pov Thawj (Notary Services): Peb chav muaj cai Ntau Thwj ua Pov thawj sau ceev tseg thiab yeej muaj cai ntauj thwj hauv lub xeev Minnesota.
• UCC: Uniform Commercial Code (“UCC”) tsim tawm ib qho txheej txheem kom ceev tau cov ntawv qhia tias tseem tshuav nuj nqi (lien) hauv lub teb chaws.  Peb txheeb xyuas cov ntawv qhia tias tseem tshuav nuj nqi (lien), es yog tiv thaiv cov paj rau cov khoom xws li khoom yuav los siv los yog cov cuab yeej siv hauv cov chaw ua hauj lwm.
• Daim ntawv pov thawj (Apostille): Peb lub hoob kas muab daim ntawv pov thawj kom siv tau rau lwm lub teb chaws hu ua apostilles, es yog daim ntawv pov thawj muaj tus tes ntawv kos npe tseem tseem los ntawm cov nom tswv los yog muaj lub thwj notary ntaus rau ib daim ntawv kom siv tau rau lwm lub teb chaws. 

 

Kuv puas yuav tsum tau cuv npe rau kuv lub lag luam?

Nyob rau ntau qhov xwm txeej, koj yuav tsum tau cuv npe rau koj lub lag luam nrog rau peb lub hoob kas. Cov lag luam xws li cov lag luam Corporations, cov lag luam muaj ob tug tswv los yog ntau tus dua hu ua limited part¬nerships, cov tuam txhab limited liability companies, cov koos haum pab pej xeem, thiab lwm cov lag luam yuav tsum tau cuv npe rau peb lub hoob kas kom khiav tau lag luam hauv lub xeev Minnesota. 
Ib lub luag luam es tus kheej yog tus tswv hu ua sole proprietor (ib tug neeg siv lawv lub npe tiag tiag ua lag luam) tsis tas yuav cuv npe rau peb lub hoob kas. Txawm li ntawd los, ntau tus neeg ua lag luam ntawm tus kheej xaiv qhov cuv npe es siv ib lub npe kom ua tau lag luam ntawm lub npe xaiv ntawd es tsis yog lawv lub npe tiag tiag (Piv txwv: “Smith Tha Xim” mas yuav tsum tau cuv npe li ntawd tabsis “John Smith Tha xim” mas tsis siv cuv npe rau). Tshawb xyuas lub npe ntawm koj lub lag luam seb puas muaj lwm tus neeg siv ntawm sos.mn.gov/name.

 

Kuv cuv npe li cas?

Koj yeej cuv tau npe rau koj lub lag luam hauv online, mus ntsib tim ntsej tim muag (yog teem caij mus ntsib), los yog ua kom tiav daim ntawv thiab muab xa hauv pais xab nis mus rau peb lub hoob kas.  Mus saib hauv sos.mn.gov/register kom ua tau ntawv thov hauv online mus.

 

Nws tus nqi cuv npe yog li cas?
Tus nqi cuv npe rau lub lag luam mas sib txawv, kuj kim li $135 txog $220 nyob ntawm seb yog hom lag luam twg. Saib kom pom tag nrho cov nqi cuv npe ntawm sos.mn.gov/fees.

 

Kuv yuav ntawv thov tauj hnub nyoog txhua xyoo li cas?

Ua ntawv thov tauj hnub nyoog tshiab rau koj lub lag luam mas ua tau sai heev, yooj ywm thiab feem ntau ntawm cov lag luam, ua dawb xwb. Koj yeej ua tau ntawv thov tauj hnub nyoog tshiab hauv online txog qhov ua ntawv thov tauj hnub nyoog tshiab (qhov es ua ntawv thov ceev tshaj), sau hauv daim ntawv thov thiab muab xa hauv pais xab nis tuaj rau peb, los yog teem ib lub caij es tuaj ua ntawv thov tim ntsej tim muag.

 

Kuv yuav ua cas thiaj li paub tias kuv yuav tsum tau ua ntawv thov tauj hnub nyoog?
Thaum koj tshawb nrhiav koj lub lag luam hauv online, koj yuav nrhiav koj cov ntaub ntawv nyob rau nploog ‘Qhia Txog Cov Ntaub Ntawv ntawm Lub Lag Luam’, yuav qhia rau koj tias hnub vas thib twg yog hnub yuav tsum tau ua daim ntawv tauj hnub nyoog tshiab. Koj yeej ua tau ntawv thov tauj hnub nyoog tshiab thaum twg los tau ntawm xyoo es tas kas nuv. Mus saib hauv sos.mn.gov/renew kom paub ntau dua. 

 

Koj yeej teem tau ib lub sij hawm mus ntsib es yog siv qhov kev teem caij hauv Microsoft Bookings: sos.mn.gov/appointment. Cim cia: Yeej qhib rau teem sij hawm ntev li kaum plaub hnub ua ntej.

Cov sij hawm teem mus ntsib ntawm:
First National Bank Building
332 Minnesota Street, Suite N201
Saint Paul, MN 55101

Kuv yuav tsum tau ua dabtsi tom qab kuv cuv npe tag?

• Cov ntawv xov xwm raug cai: Tom qab cuv npe rau koj lub lag luam es siv lub npe koj xaiv nrog rau peb lub hoob kas lawm, koj yuav tsum tau muab qhauj tawm hauv cov ntawv xov xwm raug cai kom ntev lis ob tsab xov xwm sib law liag hauv lub nroog koj lub lag luam nyob.
• Lub tuam tsev (MN Dept. of Employment and Economic Development): DEED muaj cov ntaub ntawv qhia rau cov tswv lag luam, muaj nrog rau Cov Lus Cob Qhia Kom Pib Tau Ib Lub Lag Laum Me hauv lub xeev Minnesota.
• Lub tuam tsev saib xyuas kev ua se hu ua (MN Dept. of Revenue): Tej zaum koj yuav tsum tau mus mab tus lej cim ua se hu ua Minnesota Tax ID Number los ntawm lub tuam tsev saib xyuas cov se hauv lub xeev Minnesota Department of Revenue kom thiaj li ua tau se thiab them tau qhov se rau lub xeev Minnesota thiab them cov nqi.
• Lub chaw ua se hu ua (Internal Revenue Service): Tej zaum koj yuav tsum tau mus muab tus lej cim ua se rau lub chaw ua hauj lwm hu ua Employer ID Number (EIN). Qhov no mas yog ua dawb xwb los ntawm IRS thiab koj yeej muab tau tus lej cim ua se (EIN) tam sim ntawd. 

 

CEEB TOOM [Kho dua tshiab thaum Lub Peb Hlis tim 26, 2025]: Txhua lub tuam txhab es tsim nyob rau hauv lub teb chaws Meskas – suav nrog rau cov tuam txhab es yav tag los muaj lub npe cov tuam txhab nyob hauv lub teb chaws “domestic reporting companies” — thiab lawv tus tswv ntawm lub tuam txhab tam sim no zam rau lawv txog qhov tsis tas kom lawv yuav tsum tau qhia cov ntaub ntawv txog qhov lawv yog tus tswv hu ua beneficial ownership information (BOI) mus rau FinCEN.  Cov tuam txhab es nyob txawv teb chaws es yuav tsum tau qhia cov ntaub ntawv txog qhov lawv yog tus tswv hu ua beneficial ownership information tau muab 30 hnub ntxiv rau lawv ua kom tiav pib thaum lub Peb Hlis tim 26, 2025 – txog lub Plaub Hlis tim 25, 2025, rau feem ntau ntawm cov tuam txhab.  Kom paub ntau dua, saib hauv press release thiab alert.

Yog tias koj muaj lus nug ntxiv, tiv tauj FinCEN los yog tiv tauj koj tus kws lij choj.

 

Cov tswv lag luam hauv lub xeev Minnesota tau qhia tuaj tias lawv tau txais ib co ntawv zoo li daim tuaj hauv tsoom fwv tuaj los ntawm cov tuam tsev khoos pas nis (third-party) hais tias lawv yuav tsum tau them ib qho nqi kom lawv thiaj li ua tiav cov ntaub ntawv tauj hnub nyoog dua tshiab los yog pab lawv lub lag luam ua cov ntaub ntawv yuav tsum tau muaj thiab yuav tsum tau xa mus qhia.  Thov nco ntsoov tias feem ntau ntawm qhov es xa cov ntaub ntawv nov mus mus yeej ua tau tiav lug hauv peb lub hoob kas yam tsis muaj nqi them los yog tus nqi pheej yig tshaj li tus nqi lawv muab rau koj them.

Koj yeej saib pom cov nqi ntsig txog xa ntau hom ntaub ntawv mus es tswj los ntawm peb lub hoob kas hauv sos.mn.gov/fees.

Lub hoob kas hauv lub xeev hu ua Office of the Minnesota Secretary of State yeej tsis xa ib daim nawv ceeb toom qhia kom koj ua ntawv thov tauj hnub nyoog dua tshiab los yog xa ntawv hauv pais xab nis tuaj rau koj li. Txhua xyoo peb lub hoob kas tsuas sau ib tsab email pab qhia rau koj txog ua ntawv thov tauj hnub nyoog dua tshiab rau koj lub lag luam nkaus xwb.

 

Nyob rau lub Cuaj Hlis 2016, tus neeg tuav ntaub ntawv hauv lub xeev Minnesota Secretary of State Steve Simon nthuav tawm kom muaj ib qho Qhia me ntsis txog Lub Lag Luam hauv lub Xeev Minnesota, es yog yeem qhia, muaj tsib-kab lus nug survey es kom cov tswv lag luam qhia txog lawv lub luag luam seb tau lag luam zoo npaum cas thiab qhia seb lawv yog heev neeg twg. Muaj ntau li, 68% ntawm cov lag luam ua tiav daim ntawv nug survey nov.

Daim ntawv muaj tag nrho cov kab lus nug surveys, nrog rau qhov tias yuav nug kom tau ntaub ntawv data li cas, yeej muaj nyob hauv sos.mn.gov/snapshot.